Агаарын температурын арав хоногийн дундаж Хэнтэй, Хангай, Хөвсгөлийн өндөрлөг уулс, Увс нуур, Дархадын хотгор, Хан Хөхийн нуруугаар 25.0-39.4 градус, Хангай, Хэнтэй, Хөвсгөлийн уулархаг нутаг, Хархираа Түргэний уулс болон Эг, Хэрлэн, Туул голын хөндий, Монголын Дорнод талаар 20.0-24.9 градус, өмнөд говиор 3.9-9.9 градус, бусад нутгаар 10.0-19.9 градус хүйтэн (1 дүгээр зураг) буюу олон жилийн дундажтай харьцуулбал ихэнх нутагт дунджаас 1.1-12.2 градусаар дулаан, Ховд, Хэнтий, Дорноговь, Сүхбаатар, Дорнодын зарим хэсгээр дунджийн орчим байлаа.

            Агаарын температур өдөртөө ихэнх нутагт 0-15 градус, Увс нуурын хөндийгөөр 16-22 градус хүйтэн, төв болон зүүн аймгуудын нутгийн зарим, говийн нутгийн өмнөд хэсгээр 1-5 градус дулаан, шөнөдөө уулархаг нутаг болон томоохон голуудын хөндий, Монголын Дорнод тал, Дарьгангын тэгш өндөрлөгөөр 36-44 градус, говийн нутгийн өмнөд хэсгээр 18-25 градус, бусад нутагт 26-35 градус хүйтэн байлаа.

            Хөрсний гадаргын температур өдөртөө уулархаг нутаг болон томоохон голуудын хөндийгөөр 10-19 градус хүйтэн, говийн нутгийн өмнөд, баруун болон төвийн нутгийн зарим хэсгээр 1-16 градус дулаан, бусад нутагт 0-9 градус хүйтэн, шөнөдөө ихэнх нутагт 25-39 градус, уулархаг нутаг болон томоохон голуудын хөндийгөөр 40-46 градус, говийн нутгийн өмнөд хэсгээр 18-24 градус хүйтэн байлаа.

            Хур тунадас ихэнх нутагт 0-3 мм, Говь-Алтайн Халиун, Завханы Цагаанхайрхан, Тэс, Баянтэс, Хөвсгөлийн Бүрэнтогтох, Цэцэрлэг, Их-Уул, Эрдэнэбулган, Цагааннуур, Цагаан-Уул, Галт, Мөрөн, Алаг-Эрдэнэ,  Булганы Бүрэгхангай, Бугат, Тэшиг,  Сэлэнгийн Зүүнбүрэн, Баянгол, Орхон, Алтанбулаг, Хүдэр, Түшиг, Дархан-Уулын Дархан, Хонгор, Орхон, Төвийн Борнуур, Дорнодын Баян-Уул, Дашбалбар, Сүмбэрт 3,1-9,5 мм, Баян-Өлгий, Увс, Ховд, Говь-Алтай, Завхан, Баянхонгор, Өвөрхангай, Дундговь, Өмнөговь Дорноговийн ганц нэг сумдын нутгаар ороогүй (2 дугаар зураг). Орсон хур тунадасны хэмжээг олон жилийн дундажтай харьцуулбал нутгийн хойд хагаст олон жилийн дунджийн орчим ба түүнээс ахиу орсон.

            1 дүгээр сарын 31-ний байдлаар нийт нутгийн 60 гаруй хувьд цастай байгаагаас Алтай, Хангай, Хэнтэй, Хөвсгөлийн өндөрлөг, Хархираа Түргэний уулс, Хан Хөхий нуруугаар 20 см-ээс их, Увсын Тэс, Сагил, Давст, Баруунтуруун, Ховдын Алтай, Завханы Баянхайрхан, Түдэвтэй, Цагаанхайрхан, Яруу, Цагаанчулуут, Баянтэс, Хөвсгөлийн Ренчинлхүмбэ, Цэцэрлэг, Цагааннуур, Улаан-Уул, Цагаан-Үүр, Баянхонгорын Галуут, Булганы Тэшиг, Дашинчилэн, Сэлэнгийн Түшиг, Хүдэр, Ерөө, Төвийн Баян-Өнжүүл, Жаргалант, Борнуур, Хэнтийн Өмнөдэлгэр, Баян-Овоо, Батноров, Сүхбаатарын Дарьганга, Наран, Халзан, Асгат, Сүхбаатар, Эрдэнэцагаанд 10,1-20 см, Төвийн ихэнх, Ховд, Баянхонгор, Өвөрхангай, Булган, Говьсүмбэр, Дундговь, Дорноговь, Хэнтий, Сүхбаатарын зарим нутгаар 5,1-10 см, гуу жалга, хунгарласан газартаа 15-20 см, бусад нутагт 1-5 см зузаан цастай (3 дугаар зураг) байна.

            Салхины хурд ихэнх нутгаар түр зуур 16-27 м/с буюу аюултай үзэгдлийн хэмжээнд хүрч салхилсан байна.

Цаг агаарын нөхцөлийн онцлог

• Энэ арав хоногт ихэнх нутагт олон жилийн дунджаас 5,1-12,2 градус дулаан байлаа.
• 1 дүгээр сарын 31-ний байдлаар Увсын Наранбулаг, Тэс, Зүүнхангай, Давст, Хяргас, Ховдын Алтай,  Завханы Нөмрөг, Архангайн Түвшрүүлэх, Өндөр-Улаан, Хөвсгөлийн Цэцэрлэг, Баянзүрх, Баянхонгорын Баянбулаг, Жаргалант,  Өвөрхангайн Баруунбаян-Улаан, Хархорин, Есөнзүйл, Уянга, Дорноговийн  Дэлгэрэх, Иххэт, Өргөн, Дундговийн Цагаандэлгэр,  Гурвансайхан, Дэрэн, Төвийн Өндөрширээт, Баян-Өнжүүл, Эрдэнэсант,  Хэнтийн Дархан, Баян-Овоо, Батноров, Сүхбаатарын Асгатад (12 аймгийн 31 сум) цагаан зудтай, Увсын Улаангом, Зүүнговь,  Баруунтуруун, Түргэн, Өндөрхангай, Малчин, Говь-Алтайн Тайшир, Дэлгэр, Жаргалан, Завханы Цэцэн-Уул, Цагаанчулуут, Баян-Уул, Баянхайрхан, Тэс, Шилүүстэй, Архангайн Хангай, Хотонт, Чулуут, Хөвсгөлийн Цагаан-Үүр, Жаргалант, Ханх, Цагааннуур, Баянхонгорын Галуут, Эрдэнэцогт, Булганы Гурванбулаг, Дархан-Уулын Хонгор, Төвийн Бүрэн, Баянжаргалан, Баянчандмань, Алтанбулаг, Борнуур, Дорноговийн Сайншанд, Улаан-Уул, Алтанширээ, Айраг, Өвөрхангайн Бүрд, Хужирт, Баян-Өндөр, Бат-Өлзий, Баянгол, Гучин-Ус, Зүүнбаян-Улаан, Өлзийт, Сант, Дундговийн Сайхан-Овоо, Говь-Угтаал, Адаацаг, Хэнтийн, Өмнөдэлгэр, Баянхутаг, Галшир, Баянмөнх, Дэлгэрхаан, Хэрлэн, Сүхбаатарын Баруун-Урт, Эрдэнэцагаан, Баяндэлгэр, Дарьганга, Мөнххаан, Наран, Онгон, Түвшинширээ, Түмэнцогт, Халзанд (14 аймгийн 63 сум) зузаан цастайн улмаас цагаан зудархуу нөхцөл бүрдээд байна.
• УЦУОСМХ-ийн ХААЦУСХ-т ирүүлсэн мэдээгээр 1 дүгээр сард Говь-Алтай, Баянхонгор, Өвөрхангай, Өмнөговийн ихэнх, Баян-Өлгий, Завхан, Архангай, Хөвсгөл, Булган, Сэлэнгэ, Төв, Хэнтий, Сүхбаатар, Дундговь, Дорноговийн зарим сумдын нутагт цаг агаарын тааламжгүй нөхцөлийн улмаас нийт 176734 мал хорогдсон байна.
• Байгалийн бүс төлөөлсөн мал аж ахуйн цаг уурын харуулуудын хэмжилтийн мэдээгээр 2021 оны 1 дүгээр сарын 31-ны байдлаар ойт хээрийн бүсийн (Булган аймгийн Орхон сум) эм хонины амьдын жин дунджаар 52 кг, эм ямаа 39 кг, үнээ 301 кг, тал хээрийн бүсийн (Төв аймгийн Баян-Өнжүүл сум) эм хонь дунджаар 48 кг, эм ямаа 34 кг, үнээ 258 кг, говийн бүсийн  (Дорноговь аймгийн Алтанширээ сум) эм ямаа 43 кг жинтэй байна.

1 ДҮГЭЭР САРЫН ЦАГ АГААРЫН НӨХЦӨЛИЙН ТОЙМ

            Агаарын температурын сарын дундаж Хангай, Хөвсгөлийн өндөрлөг уулс, Увс нуур, Дархадын хотгор, Хан Хөхийн нуруугаар 30.0-43.6 градус, уулархаг нутаг болон Орхон, Хэрлэн, Эг, Туул голуудын хөндийгөөр 25.0-29.9 градус, өмнөд говиор 7.2-14.9 градус, бусад нутагт 15.0-24.9 градус хүйтэн (4 дүгээр зураг) буюу олон жилийн дундажтай харьцуулбал ихэнх нутагт дунджийн орчим ба түүнээс 1.1-5.2 градусаар дулаан, Ховд, Завхан, Баянхонгор, Төв, Говьсүмбэр, Дундговь, Дорноговь, Хэнтий, Сүхбаатар, Дорнодын ганц нэг сумдын нутгаар дунджаас хүйтэн байлаа (5 дугаар зураг).

1 дүгээр сард хур тунадас ихэнх нутагт 0-3 мм, Баян-Өлгийн Булган, Увсын Баруунтуруун, Зүүнговь, Сагил, Малчин, Хяргас, Давст, Тэс, Улаангом, Ховдын Үенч, Булган, Алтай, Говь-Алтайн Халиун, Баян-Уул, Есөнбулаг, Завханы Тосонцэнгэл, Цэцэн-Уул, Цагаанхайрхан, Баянтэс, Цагаанчулуут, Тэс, Идэр, Яруу, Тэлмэн, Баянхайрхан, Түдэвтэй, Архангайн Тариат, Баянхонгорын Эрдэнэцогт, Хөвсгөлийн Бүрэнтогтох, Их-Уул, Тариалан, Жаргалант, Эрдэнэбулган, Мөрөн, Алаг-Эрдэнэ, Галт, Цэцэрлэг, Цагааннуур, Цагаан-Үүр,  Өвөрхангайн Гучин-Ус, Есөнзүйл, Төгрөг, Бат-Өлзий,  Булганы Бугат, Тэшиг, Дашинчилэн, Бүрэгхангай, Сэлэнгийн Түшиг, Хүдэр, Ерөө, Цагааннуур, Зүүнбүрэн, Орхон, Алтанбулаг, Баянгол, Мандал, Дархан-Уулын Дархан, Хонгор, Орхон, Төвийн Борнуур, Баянчандмань, Угтаалцайдам, Хэнтийн Дадал, Баян-Овоо, Дорнодын Баян-Уул, Халхгол, Дашбалбар, Сүмбэр сумдын нутгаар 3.1-11.6 мм (6 дугаар зураг) орсон. Орсон тунадасны хэмжээг олон жилийн дундажтай харьцуулбал нийт нутгийн 80 гаруй хувьд дунджаас ахиу, 20 орчим хувьд дунджийн орчим  ба түүнээс бага (7 дугаар зураг) орсон байна.